كان يا ما كان
كان فيه "كلب" في البصرة
مو لاقي شي ياكله
بالإضافة إلى كذا كانوا عيال الحاره يلاحقونه ويرمونه بالحجر لين كسّروه وقرر يهاجر برى البلد .. !
مشى الكلب هذا مسكين .. حزين .. وحيد .. جوعان .. مضطهد .. !
وصل تركيا .. شافه واحد من الأتراك على حالته هذي .. حزن عليه وقرر ياخذه عنده .. وصار يعطف عليه ويأكله ويغسله ومسوي له مكان خاص فيه عشان ينام براحته .. بدون أدنى شي يكدّره ....
مرّت على الكلب فترة وهو مرتاح .. وكل شي متوفر له .. بس .....
اشتاق للحياة الصعبة .. وعيال الحاره .. والفقر والجوع ... وقرر انه يرجع لبلده .. وفعلاً مشى من تركيا راجع للبصرة .. راجع لموطنه القديم وشوقه .. وفي الطريق قابله كلب ثاني ..
الكلب الثاني كان شكله مسكين .. حزين .. وحيد .. جوعان .. مضطهد .. !
وهنا وقّفه الكلب الأول وسأله وش عندك ؟ وين ماشي ؟
رد الكلب الثاني: خلاص ماشي اشوف عيشة .. شي آكله .. مكان آمن .. رعاية وعطف ... الخ !
... خنقت العبرة الكلب الأول .. واسترجع انفاسه وقال: اسمع نصيحتي واقعد في ديرتك .. والله الواحد ما يحس انه كلب وابن كلب الا في ديرته !
