صعبه بـجد » Exit35 :: Knowledge 4 Free

:التصنيفات

صور	كتب
أفلام	قصائد
برامج	جوال
ألعاب	أخرى

:أهم المقالات
Faris al-Khoury «

Poems : صعبه بـجد

author: SNICKERS | views: 500 | 18 January 2008

°ˆ~*¤®§(*§ صعبه بـجد §*)§®¤*~ˆ°

من ناحية صعبة فهي صعبة بجد
وان جت على حلوه هي اخر حلاوه

فعلا طويله بس ما هي بــ هالقد
طول الألف باول حروف الغلاوه

جمرة حشا مقصوصة مجدل اتعد
شقرا على كم خصلة كستناوه

اليا اقبلت لي بعضها فـ بعضها اشتد
بينه وله لهفة وغيرة وعداوه

وان جت تلفت طاح ضد على ضد
الين يغشى الليل صبح النقاوه

فلجا ثغر .. غنجا حور .. مهملة قد
في عودها اقسى لين والين قساوه

عكفا هدب .. زينة عتب .. زاهبة رد
فيها الهدايه والهدى والهداوه

لاسولفت سمى على انفاسها الند
وكفوفها تمسي الندى بالنداوه

فيها غنج ساذج على ملعنة جد
على شوية شيطنة مع شقاوه

من حدة الفتنه خذت فتنة الحد
تطوي فضا الفتنه بفتن الفضاوه

تستغفل الغفلة تودد ولا تود
تستطيب الطيبه لحد الغباوه

تسرق تفاصيل الصدى لاخر الصد
وتماطل ايام الرخا .. بالرخاوه

مدت لوصلي يد واقصتني بيد
لا ذقت وصل ولا شعرت بجفاوه

راودتها ردت .. ترود .. وترتد
تريد .. تتردد .. تردد .. رداوه

ولني ما احب اصلا اثقل على حد
خذت القصير من الحفا والحفاوه

حلوه وتتغلى ولا جات للجد
عادي تغلى من لها هالحلاوه

علي السبعان